Tehm Amed de nêmendo!

Amed de bi piştîdayîşê Vîzyon Organîzasyon û Şaredarîya Bajarê Girdî ke qayûm ameybî tayînkerdiş, taxa Mahabadî de organîzasyonê bi nameyê ‘Tehmê herêmî yê 81 bajaran’ ame viraştiş û şaredarîye seba nê organîzasyonî 1 mîlyon malîyet cîya kerde.

15 Kasım 2017 Çarşamba | Kirmanckî

Amed de bi piştîdayîşê Vîzyon Organîzasyon û Şaredarîya Bajarê Girdî ke qayûm ameybî tayînkerdiş, taxa Mahabadî de organîzasyonê bi nameyê ‘Tehmê herêmî yê 81 bajaran’ ame viraştiş û şaredarîye seba nê organîzasyonî 1 mîlyon malîyet cîya kerde. 

Seba organîzasyonî cayêko teberê bajarî ame tercîhkerdiş. Organîzasyon 10ê teşrîna peyêne ra heta 19ê aşme do dewam bikero. Organîzasyon de afîşê şinasnayîşê dezgeyan ame wedarnayîş û herinda ci de logoya Walîtîya Amedî ame aliqnayîş. 

Walîtîye xebitnayîşê logoya xo ra dima îzehet daye û dîyar kerde ke ti eleqeyê înan bi organîzasyonî reyde çin o. Reaksîyon û îzehetê Walîtîye ra dima logo meqesî reyde ame birnayiş.


Beno ke dewam nêkero zî

No organîzasyonê 9 rojan ke hema dewam keno de xeylê çîyê ke seba rotiş û herînayîşan dîyayî dezgeyan ser, sey xo mendî. Organîzasyon hetê şaredarîye ra yeno fînansekerdiş. Fînansorê tewr pîl şaredarî yo û organîzasyon de 1 mîlyonî ra zêde pere ameyo xerckerdiş. Organîzasyono ke bi pereyê şaredarîye ameyo organîzekerdiş qet bala hemwelatîyan nêant. Kesê ke dezge akerdî dîyar kerdî ke seba ke organîzasyon bala ti kesî nêanto, beno ke organîzasyon heta 19ê aşme dewam nêkero zî. 


 MA/AMED


145

YENİ ÖZGÜR POLİTİKA